26 октябрьдә Казанда “Пассажир көне” узачак

Пассажирлар үзләрен борчыган сорауларга җаваплар таба, шулай ук пассажир күчерүләрен оештыруны яхшырту буенча үз тәкъдимнәрен калдыра алачаклар.

(Казан шәһәре KZN.RU, 24-нче октябрь). 26 октябрьдә Казанда “Пассажир көне” акциясе узачак. “Содружество” шәһәр яны пассажир компаниясе белгечләре актуаль сорауларга җавап бирәчәкләр һәм шәһәр яны маршрутларында пассажир күчерүләрен оештыруны яхшырту буенча тәкъдимнәр кабул итәчәкләр.

“Пассажир көне” акциясе Казан-1 тимер юл вокзалында 11.00 сәгатьтән 12.00 сәгатькә кадәр узачак.

Хезмәт күрсәтү сыйфатын яхшырту максатында “Пассажир көне” акциясе даими рәвештә оештырыла. Барлык мөрәҗәгатьләр рәсми рәвештә теркәлә, һәрберсе буенча оператив чаралар курелә, дип хәбәр итә Горький тимер юллары матбугат хезмәте.

Шулай ук укыгыз

Барлык яңалыклар