26 нчы ноябрьдә Казанда «Игелекле дулкын» региональ сайлап алу туры старт ала

Ярымфиналга 230 бала һәм яшүсмер чыкты.

Фото: Денис Гордийко

(Казан шәһәре KZN.RU, 25 нче ноябрь). 26 нчы һәм 27 нче ноябрьдә Казанда «Мәскәү» мәдәни үзәгендә «Игелекле дулкын» бөтенроссия балалар иҗаты мәдәни-хәйрия фестиваленең региональ сайлап алу туры узачак. Катнашу өчен 310 бала һәм яшүсмер заявка биргән, ярымфиналга 230 конкурсант чыккан.

«Игелекле дулкын» региональ сайлап алу туры «Мәскәү» мәдәни үзәгендә 26 нчы ноябрьдә 10:30 сәгатьтә башлана. Катнашучыларның чыгышларын профессиональ жюри әгъзалары бәяләячәк, алар арасында Татарстан Республикасының атказанган артисткасы Мария Семенова, ТР Дәүләт камера хоры сәнгать җитәкчесе Миләүшә Таминдарова, Россия кинематографистлар берлеге әгъзасы, Татарстан Республикасының халык артисткасы Зөлфия Вәлиева, Казан командасы составында «Большие танцы» телепроекты җиңүчесе Дмитрий Писарев һәм эстрада-джаз оркестры солисты Марка Когана Ольга Фридман да бар.

Беренче региональ сайлап алу турында катнашучыларның иң яхшы номерлары 27 нче ноябрьдә «Мәскәү» мәдәни үзәгендә 17:00 сәгатьтә башланачак йомгаклау концертында күрсәтеләчәк. Җиңүчеләрне бүләкләү тантанасы да планлаштырылган.

Исегезгә төшерәбез, «Игелекле дулкын»да 7-17 яшьлек авыр тормыш хәлендә калган балалар һәм яшүсмерләр (ятимнәр, инвалидлар, сәламәтлек мөмкинлекләре чикләнгән һ.б.) катнаша. Конкурсантлар 7-9, 10-13 һәм 14-17 яшьлекләр арасындагы өч яшь категориягә бүленә. Аларга җыр җырларга, уен коралында уйнарга, биергә яки ишарәле җыр жанрында иҗади номер әзерләргә тәкъдим ителә.

Фестиваль шулай ук Ярославль, Мәскәү, Краснодар, Кемерово, Екатеринбург, Новосибирск һәм Севастопольдә узачак. Россия йолдызлары катнашында финал гала-концерты һәм җиңүчеләрне бүләкләү ТР башкаласында 2023 елның сентябрендә була. «Игелекле дулкын» 2017 елда Казан Мэры Илсур Метшин һәм Россиянең халык артисты, композитор Игорь Крутой инициативасы белән оештырыла башлады.

Фестиваль авыр тормыш хәлендәге сәләтле балаларны, шул исәптән сәламәтлек мөмкинлекләре чикләнгән балаларны иҗади үстерүгә ярдәм итүгә юнәлдерелгән. Ел саен «Игелекле дулкын» Россиянең төрле почмакларыннан 2 меңнән артык талантлы баланы берләштерә. Региональ сайлап алу турлары ел дәвамында ил буенча уза. Фестиваль Россия эстрадасы йолдызлары катнашында телевизион форматта уза торган гала-концерт белән тәмамлана.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар