26 майда Казанда макулатура, пластик һәм кием җыю узачак

Экологик акция шәһәрнең сәүдә үзәкләренең берсендә үткәрелә.

(Казан шәһәре KZN.RU, 22-нче май). 26-нчы майда Казанда эшкәртүгә икенчел чимал һәм кием җыю узачак. Казанлылар кирәкмәгән әйберләрне, макулатура һәм пластикны икенчел чимал кабул итү мобиль пунктына тапшыра алачак. Экологик акция шәһәрнең сәүдә үзәкләренең берсендә үткәрелә.

Активистлар макулатураны, «1», «2», «4» тамгасы куелган пластик шешәләрне, «1» тамгасы куелган контейнерларны, «5» тамгасы куелган пластик контейнерларны һәм башка эшләнмәләрне, «2», «4», «5», «7» тамгасы куелган йомшак пластикларны, пыяла, алюминий һәм калай банкаларны, «дой пак» упаковкаларын; cd-дискларны һәм аларның тартмаларын, пластик карталарны, теш щеткаларын, кием-салым, аяк киеме, сумкалар, пластик уенчыкларны, ноутбуклардан аккумуляторлар, вак-төяк техника, «Велодобро» проекты өчен ватык велосипедлар, тукымалар, зонтиклар, ванна һәм экобукча тегү өчен джинсалар, акция өчен капкачлар, текстиль, чәчәкләр өчен пластик чүлмәкләрне алып килә алалар.

Акциядә катнашырга теләүчеләрдән икенчел чимал әзерләү буенча инструкцияне өйрәнүне сорыйлар. Калдыкларны сортларга аеру буенча тулы белешмәлек социаль челтәрләрдә бар.

Пластик, макулатура һәм кирәкмәгән әйберләр кабул итү түбәндәге адрес буенча башкарылачак: Җиңү Проспекты, 141, 15.00 сәгатьтән 19.00 сәгатькә кадәр.

Апрель аенда казанлылар 876 кг макулатура, 939 кг пыяла, 215 кг каты пластик, 180 кг йомшак пластик, 80 кг тетрапак, 83 кг металл, 50 кг текстиль, 600 кг кием тапшырган.

Шулай ук укыгыз

Барлык яңалыклар