25 июльдә Казанның Социаль-көнкүреш музеенда Владимир Высоцкий истәлегенә багышланган күргәзмә ачыла

Күргәзмәдә Высоцкий җырлары язылган винил дискны күрергә мөмкин булачак.

(Казан шәһәре KZN.RU, 22-нче июль). 25-нче июльдә Казанның Социаль-көнкүреш музеенда Владимир Высоцкийны искә алу көненә багышланган күргәзмә ачылачак. Экспозициядә музыкантның якын дуслары тапшырган экспонатлар тәкъдим ителәчәк.

Шәһәрлеләр «Владимир, или Прерванный полет» исемле танылган китапның автор экземплярын, фонограммаларны, 70-нче еллар спектакльләренең афишасын күрә алачак.

Моннан тыш, күргәзмәдә Высоцкий җырлары язылган винил дискны күрергә мөмкин булачак. Дискны чыгару 1975 елга планлаштырылган, әмма кайбер сәбәпләр аркасында ул чыкмаган.

Шулай ук укыгыз

Барлык яңалыклар