25 нче февральдә Казан тимер юл вокзалыннан аэропортка кадәр өстәмә электричкалар җибәреләчәк

Бу «Казан Экспо» халыкара күргәзмәләр үзәгендә концерт үткәрелү белән бәйле.

Фото: Денис Гордийко

(Казан шәһәре KZN.RU, 22 нче февраль). 25 нче февральдә Казан – Аэропорт – Казан маршруты буенча өстәмә шәһәр яны поездлары йөриячәк. Бу «Казан Экспо» халыкара күргәзмәләр үзәгендә концерт үткәрелү белән бәйле.

Әйтик, 7602 нче номерлы электричка Казан станциясеннән 21:40 сәгатьтә китәчәк, Аэропорт станциясенә 22:00 сәгатьтә киләчәк. 7601 нче номерлы состав Аэропорт станциясеннән 22:30 сәгатьтә китәчәк, Казан станциясенә 22:50 сәгатьтә килер дип көтелә. Тукталышлар каралмаган.

Шулай ук 6710 нчы номерлы шәһәр яны поездының расписаниесе бер көнгә үзгәрәчәк. Казан станциясеннән электричка 10 минутка иртәрәк – 18:00 сәгатьтә китәчәк. Аэропорт станциясенә 18:29 сәгатьтә килеп җитәр дип планлаштырыла. Расписаниедәге үзгәрешләр барлык тукталыш пунктларына кагылачак, дип хәбәр итә «Содружество» АҖ матбугат хезмәте.

Барлык маршрутлар турында тулырак мәгълүмат белән +7(937)625-04-33 телефоны буенча (шалтыратулар тәүлек әйләнәсендә кабул ителә), шәһәр яны пассажир компаниясе сайтында һәм «Россия тимер юллары – пассажирларга» мобиль кушымтасында танышырга мөмкин.

Шулай ук укыгыз

Барлык яңалыклар