24 ноябрьдә Казанда "Ел студенты-2018" билгеләнәчәк

Гран-при иясе Яшьләр эшләре буенча Федераль агентлык җитәкчесе ярдәмчесе булу мөмкинлеге алачак.

(Казан шәһәре KZN.RU 22-нче ноябрь). “Ел студенты” милли премиясе иясе яшьләр эшләре буенча Федераль агентлык җитәкчесе ярдәмчесе булу мөмкинлеге алачак. Бу хакта бүген “Татар-информ” мәгълүмат агентлыгында узган матбугат конференциясендә конкурсны оештыручылар сөйләде.

"Ел студенты" милли премиясе җиңүчеләрен бүләкләү Казанда 24 ноябрьдә узачак. Татарстан башкаласы финалны кабул итү хокукын узган елда КФУ студенты Нәфисә Сираҗетдиновның "Ел студенты-2017" Россия милли премиясе финалында җиңүе ярдәмендә алды.

Быел премия 9 номинациядә тәкъдим ителде һәм алар барысы да индивидуаль: "Ел интеллекты", "Елның иҗади шәхесе", "Ел спортчысы", "Ел журналисты", Ел иреклесе", "Ел җәмәгатьчесе", "Чит ил студенты", "Ел старостасы" һәм гран-при - "Ел студенты" .

Конкурсның төбәк этабы агымдагы елның октябрендә узды. Анда катнашу өчен илнең 76 субъектыннан 10 меңнән артык гариза бирелгән иде. 63 төбәктән 400 студент кына финалга чыкты.

“Студентлар лигасы” президенты Руфат Кыямов сөйләвенчә, финал турында конкурсантлар берничә сынау уза - үзпрезентация, иҗади, спорт һәм интеллектуаль биремнәр, алар нәтиҗәләре буенча һәр номинациядә өчәр җиңүче сайлап алыначак.

Быел премиянең приз фонды 2 млн 100 мең сум тәшкил итә, шуларның 50 мең сумы лауреатларга, 100 мең сумы номинацияләрдә җиңүчеләргә тапшырылачак, ә гран-при иясе 300 мең сум күләмендә премия белән бүләкләнәчәк.

Акча белән бергә абсолют җиңүче иҗтимагый башлангычларда яшьләр эшләре буенча Федераль агентлык җитәкчесе ярдәмчесе булу мөмкинлеге алачак.

Шулай ук укыгыз

Барлык яңалыклар