23 гыйнвар көнне Казанның Вахитов районында вакансияләр ярминкәсе узачак

Халыкны эш белән тәэмин итү үзәге хезмәткәрләре район предприятиеләрендә буш эш урыннары турында сөйләячәкләр һәм эш эзләүчеләрнең сорауларына җавап бирәчәкләр.

(Казан шәһәре KZN.RU, 16-нчы гыйнвар). 23 гыйнвар көнне Казанның Вахитов районында вакантлы эш урыннары ярминкәсе узачак.

Килүчеләр район предприятиеләрендә, шул исәптән өлкән яшьтәге кешеләр өчен, буш эш урыннары турында мәгълүмат ала, эшкә урнашуда ярдәм ала, район предприятиеләренең кадрлар хезмәте вәкилләре белән очраша алачаклар. Моннан тыш, биредә хезмәт һәм мәшгульлек, дәүләт гарантияләре турында закон мәсьәләләре буенча консультация алырга, халыкны эш белән тәэмин итү хезмәте күрсәтә торган хезмәтләр турында белергә була.

Вахитов районы халыкны эш белән тәэмин итү үзәгеннән вакансияләр мини-ярминкәсе 23 гыйнварда 9.00 сәгатьтән 11.00 сәгатькә кадәр Качалов урамы, 77 адресы буенча узачак. Керү һәм барлык хезмәтләр килүчеләр өчен бушлай, дип хәбәр ителә халыкны эш белән тәэмин итү хезмәте сайтында.

Шулай ук укыгыз

Барлык яңалыклар