23 сентябрьдә La Primavera Казан камера оркестры яңа сезонын ача

Музыкантлар күпләргә билгеле булган классик әсәрләрне башкарачак.

(Казан шәһәре KZN.RU, 17-нче сентябрь). 23-нче сентябрьдә La Primavera Казан камера оркестры XXXI концерт сезонын ача. Музыкантлар күпләргә билгеле булган классик әсәрләрне башкарачак.

Концерт программасында - Антонио Вивальдиның «Ел фасыллары», Рихард Штраусның «Метаморфозалар»ы, Иоганн Штраус Борис Четверговның вальслар темасына багышланган «Феерик фантазия»се.

Яңа сезон La Primavera өчен юбилей сезоны булачак - оркестр үзенең 30 еллыгын билгеләп үтә. Музыкантлар «Унъеллык туганлык», «Tatar Stars Европа сәхнәләреннән», «Иртәгәдән йолдызлар» кебек проектларны дәвам итәчәк. Ә март аенда музыкантлар L'arte del arco VIII Халыкара фестивалендә чыгыш ясаячак. Оркестр Самара, Уфа, Сочи, Ижевск, Мальта, Германиягә чакырылган.

Быел оркестр белән Денис Шаповалов, Айлен Притчин, Тодор Петров, Разван Стойка, Тим Клифиус, Йиохана Рериг, Кристина Раух, Сергей Поспелов, Борис Андрианов, Евгений Михайлов, «Лойко» триосы һәм башкалар чыгыш ясаячак, дип хәбәр итә оркестрның матбугат хезмәте.

Сәйдәшев исемендәге зур концерт залыннан тыш La Primavera концертлары Татар филармониясендә, «Мәскәү» мәдәни үзәгендә, Ленин исемендәге мәдәният сараенда узачак.

Сезонны ачу тантанасы Сәйдәшев исемендәге концертлар залында оештырыла, чара 18.30 сәгатьтә башлана.

Шулай ук укыгыз

Барлык яңалыклар