23 нче һәм 24 нче апрельдә Казанның ике районында йорт хайваннарына котыру авыруыннан вакцинация ясаячаклар

Ветеринария табиблары бригадалары Иске Аракчино, Красная Горка, Юдино һәм Дәрвишләр поселокларында кизү торачак.

Фото: Денис Гордийко

(Казан шәһәре KZN.RU, 21 нче апрель). Казанда язгы эпизоотиягә каршы эшләр кысаларында чаралар дәвам итә. 23 нче һәм 24 нче апрельдә шәһәрнең Киров һәм Совет районнарында йорт хайваннарын котыру авыруыннан түләүсез вакцинацияләү эше оештырылачак.

23 нче апрельдә 10:00 дән 12:00 гә кадәр шәһәрнең дәүләт ветеринария клиникалары хезмәткәрләре Иске Аракчино поселогында Иске Аракчино урамындагы 32 нче номерлы йорт янында мәчеләр һәм этләргә вакцинация ясаячаклар.

23 нче апрельдә 14:00 сәгатьтән 16:00 сәгатькә кадәр вакцинация Красная Горка поселогындагы Березовая урамы, 53 нче йорт янында оештырылачак.

23 нче апрельдә 10:00 дән 14:00 гә кадәр Дәрвишләр бистәсендә табиблар бригадасы Совет ур., 18 адресы буенча урнашкан Сәид-Галиев исемендәге мәдәният йорты янында вакцинация үткәрәчәк.

24 нче апрельдә 14:00 дән 16:00 гә кадәр табиблар Юдино поселогында Молодогвардейская урамындагы мемориал янында кизү торачак.

Казанның дәүләт ветеринария берләшмәсендә хәбәр итүләренчә, эпизоотиягә каршы чаралар июньгә кадәр, кирәк булганда – июльгә кадәр дәвам итәчәк. Шулай ук ветеринария хезмәте кабат бистәләргә чыгарга мөмкин. «Казанлылар үзләре кирәкле районга табиблар бригадасын чакырта ала. Моның өчен дәүләт ветеринария ярдәме хезмәтенә мөрәҗәгать итәргә кирәк. 10 гариза җыелганнан соң, күчмә бригада формалашачак», - дип билгеләп үттеләр шәһәрнең дәүләт ветеринария берләшмәсендә.

Шулай ук укыгыз

Барлык яңалыклар