23 нче февральдә һәм 8 нче мартта Казанда почта бүлекләре эшләмәячәк

Бәйрәм алды көннәрендә «Россия почтасы» офисларында эш көне бер сәгатькә кыскарачак.

Фото: Денис Гордийко

(Казан шәһәре KZN.RU, 22 нче февраль). 23 нче февральдә һәм 8 нче мартта «Россия Почтасы» бүлекләре өчен ял көннәре булачак. Тәүлек әйләнәсе эшләүче офислар килүчеләрне штат режимында кабул итүне дәвам итәчәк.

Бәйрәм көннәрендә хат ташучылар почта белән җибәрелгән әйберләрне һәм вакытлы матбугат басмаларын таратмаячак. Пенсияләрне һәм пособиеләрне алар Татарстан буенча социаль фонд бүлеге белән килештерелгән график буенча китерәчәк, дип хәбәр итә «Татарстан почтасы» федераль почта элемтәсе идарәсе матбугат хезмәте.

22 нче февральдә һәм 7 нче мартта почта бүлекчәләрендә эш көне бер сәгатькә кыскарачак. 24 нче февральдә алар якшәмбе графигы буенча эшләячәкләр, ә 25 нче февральдә һәм 9 нчы мартта эшне гадәти график буенча дәвам итәчәкләр.

Кайбер авыл һәм шәһәр почта бүлекләре махсус график буенча эшли ала. «Россия почтасы» мобиль кушымтасында һәм компания сайтында эш режимын ачыкларга яки картада якындагы ачык почта бүлеген табарга мөмкин.

Шулай ук укыгыз

Барлык яңалыклар