22 нче мартта Казанда хокукый ярдәм көне уздырылачак

Шәһәрлеләргә мөлкәтне бүлү, торак-коммуналь хуҗалык тарифлары турында сөйләячәкләр.

Фото: Марат Мөгыйнов

(Казан шәһәре KZN.RU, 10 нчы март). Татарстан Республикасында Кеше хокуклары буенча вәкаләтле вәкил Россия Пенсионерлар берлегенең төбәк бүлеге белән берлектә 22 нче мартта хокукый ярдәм көне уздырачак. Республика халкына мөлкәтне бүлү, торак-коммуналь хуҗалык тарифлары, хезмәт һәм пенсия, мәгариф һәм сәламәтлек саклау өлкәсендәге хокуклар турында сөйләячәкләр.

Акцияне Татарстан Республикасында Кеше хокуклары буенча вәкил Сәрия Сабурская «Россия пенсионерлары берлеге» гомумроссия иҗтимагый оешмасының ТР буенча төбәк бүлеге белән берлектә үткәрә. Сорауларга ТР Хезмәт, халыкны эш белән тәэмин итү һәм социаль яклау министрлыгы вәкилләре дә җавап бирәчәк.

Консультацияләр 15:00 сәгатьтән 19:00 сәгатькә кадәр Казанның Яңа Савин районында Ямашев проспекты, 79 адресы буенча Россия Социаль фондының Татарстан Республикасы буенча бүлегенең клиентлар хезмәтендә үткәреләчәк. Түбәндәге телефоннар буенча алдан язылу кирәк: +7(843)279-25-99, +7(843)279-25-02.

Шулай ук укыгыз

Барлык яңалыклар