22 нче һәм 23 нче ноябрьдә күпфункцияле үзәкләрнең Казандагы биш офисында шәһәрлеләрне психологлар бушлай консультацияләячәк

Ярдәмне балага узарга, опекунлык яки уллыкка алуны планлаштырган хатын-кызлар, шулай ук йөклеләр һәм декрет ялындагы әниләр ала алачак.

Фото: Денис Гордийко

(Казан шәһәре KZN.RU, 18 нче ноябрь). 22 нче һәм 23 нче ноябрьдә Татарстанның күпфункцияле үзәкләренең Казандагы биш офисында бушлай психологик консультацияләр булачак. Аларны КФУның психология һәм белем бирү институты студентлары үткәрәчәк, дип хәбәр ителә «Минем документлар» сайтында.

Психологик ярдәмне балага узарга, опекунлык яки уллыкка алуны планлаштырган хатын-кызлар, шулай ук йөклеләр һәм декрет ялындагы әниләр ала алачак.

Консультацияләр күпфункцияле үзәкләрнең Максимов ур., 1, Достоевский ур., 35/10, Чистай ур., 5, Авангард ур., 74, Җиңү пр., 214 адреслары буенча бүлекләрендә үткәреләчәк. Язылу өчен бу бүлекләргә шәхсән мөрәҗәгать итәргә яки +7(843)222-06-13 телефоны буенча шалтыратырга мөмкин.

Шулай ук укыгыз

Барлык яңалыклар