215 берәмлек махсус техника бу төндә Казан урамнарын кардан чистартырга чыгачак

Юл хезмәтләре казанлылардан автомобильләрне юл буенда калдырмауларын сорый.

Фото: Марат Мугинов

(Казан шәһәре KZN.RU, 4-нче декабрь). 5-нче декабрьгә каршы төндә Казан урамнарын кардан чистартуда 35 юл эшчесе һәм 215 махсус техника, шул исәптән 70 катнаш юл машинасы, 53 трактор щеткасы, 41 самосвал, 19 фронталь төягеч һәм башка техника эшләячәк.

Кар чыгару 1 нче Калининград, Сигезенче Март, Адоратский, Бауман, Бондаренко, Ботаника, Бутлеров, Волков, Восстание, СәетГалиев, Даурия, Достоевский, Ершов, Кирпичников, Комаров, Курчатов, Ленин, Мәрҗани, Мәскәү, Пионер, Попов, Ротор, Рощинская, Толстой, Фрунзе, Шаляпин урамнарыннан, шулай ук Әмирхан һәм Оренбург тракты проспектыннан планлаштырылган.

Кайбер урамнарда катнаш юл машиналарын һәм трактор щеткаларын кулланып ком сибү һәм себерү, шулай ук ротор һәм грейдер белән эшләр үткәреләчәк, дип хәбәр иттеләр шәһәрнең Тышкы төзекләндерү комитетында.

Юл хезмәтләре казанлылардан автомобильләрне юлларның машина йөрү өлешендә куеп калдырмауларын сорый, чөнки алар махсус техника эшенә комачауларга мөмкин.

Шулай ук укыгыз

Барлык яңалыклар