21 июльдә Казаннан Болгарга өстәмә рейслар оештырылачак

Бу көнне музей-тыюлык территориясендә Идел буе Болгар дәүләтенең рәсми рәвештә ислам динен кабул итүгә багышланган бәйрәм узачак.

(Казан шәһәре KZN.RU, 17-нче июль). 21 июльдә Болгар музей-тыюлыгы территориясендә Идел буе Болгар дәүләтендә рәсми рәвештә ислам дине кабул ителүгә багышланган бәйрәм – “Изге Болгар җыены” узачак.

Бу көнне Казаннан өстәмә автобус рейслары оештырыла: “Столичный” автовокзалыннан – 6.00 сәгатьтә, “Южный” автовокзалыннан – 6.20 сәгатьтә. Болгардан автобуслар 16.00 сәгатьтә кайтырга чыга. Билет бәясе бер якка 310 сум тәшкил итә. Барлык теләүчеләр даими рейсларда бара ала, алар “Южный” автовокзалыннан көн саен 10.00 һәм 17.45 сәгатьтә китә, Болгардан – 6.00 һәм 14.00 сәгатьтә.

21 июльдә Казан пассажир порты 124 кеше сыешлы “Метеор” теплоходының Казан-Болгар-Тәтеш маршруты буенча махсус рейсын оештыра. Теплоход Казаннан 6.00 сәгатьтә китә, Болгардан кире 16.30 сәгатьтә чыга. Моннан кала, Казан елга портыннан Болгарга даими рейслар бар, алар түбәндәге җәдвәл буенча йөри: Казаннан 8.00 һәм 9.00 сәгатьтә китә, Болгардан – 15.40 һәм 16.30 сәгатьтә, дип хәбәр итә ТР Транспорт һәм юл хуҗалыгы министрлыгы матбугат хезмәте.

Шулай ук укыгыз

Барлык яңалыклар