21 һәм 22 декабрьдә Г.Камал исемендәге Татар дәүләт академия театрында "Бию пәрие" спектакленең премьерасы узачак

21 һәм 22 декабрьдә Г.Камал исемендәге Татар дәүләт академия театрында "Бию пәрие" спектакленең премьерасы узачак

<p> (Казан шәһәре KZN.RU, 21-нче декабрь, Алинә Бережная). 21 һәм 22 декабрьдә Г.Камал исемендәге Татар дәүләт академия театрының зур сәхнәсендә режиссер һәм драматург Илгиз Зәйниевның "Бию пәрие" спектакленең премьерасы булачак. Спектакль бию номерлары, дулкынландыргыч җырлар һәм романтик күренешләр белән баетылган. Премьера алдыннан спектакльне шәһәр һәм республика массакүләм мәгълүмат чаралары вәкилләре өчен күрсәттеләр.<br> </p> <p> "Бию пәрие" спектакле Татарстан Республикасының халык артисты Илдус Габдрахмановның 50 еллыгы уңаеннан иҗат кичәсе ярдәмендә туды. Театр артистлары юбилей кичәсе генә уздырып алмыйча, бәхет эзләп читкә киткән, соңыннан туган ягына әйләнеп кайткан хореограф, биюче турында спектакль да куйдалар. Илдус Габдрахманов бу идеяне бәяләде һәм драматург һәм режиссер Илгиз Зәйниевтан берничә күренеш өстәп, спектакльнең сюжетын "ныгытырга" сорады. </p> <p> Сюжет бик гади: 18 елдан соң сәнгатькә мәхәббәт белән сугарылган биюче Мәскәүдән туган шәһәренә кайта, биредә ул үзенең күптәнге мәхәббәтен очрата һәм яңа буын хореографлар белән таныша. Сөеклесе йөрәгенә авыр юл үтеп, баш герой үзенең чын бурычын аңлый һәм тормышка карашын яңадан карый. </p> <p> Спектакль авторының тирән фикере актерларның талантлы уеннары ярдәмендә генә түгел, ә тән теле аша да ачыла – спектакль бию номерлары белән бай. Шулай итеп, музыкаль комедия һинд фильмнарына охшаган драма сюжеты, бию һәм җырларының үзенчәлекләре үз эченә ала. </p> <p> Актерлар сөйләгәнчә, спектакльнең гадәти булмаган форматы яңа дәрәҗәгә чыгарга һәм үзен яңа амплуада ачарга мөмкинлек бирә. Кайбер артистлар өчен биюләр үзләштерү кыен булмаган. Мәсәлән, төп рольләрнең берсен башкаручы, Г.Камал исемендәге Татар дәүләт академия театры артисты Артур Шәйдуллин 8 елга якын заманча биюләр белән шөгыльләнгән. </p> <p> "Мин үземне профессиональ биюче дип санамыйм, әмма ритмик музыка астында чыгыш ясарга каршы түгелмен. Спектакль өчен миңа биюдә яңа юнәлеш "хип-хоп"ны үзләштерергә туры килде. Ике ай минем белән Todes мәктәп-студиясенең профессиональ хореографлары шөгыльләнде. Бу гадәти булмаган тәҗрибә булды, бу стильне алга таба да үзләштерермен, дип уйлыйм", – дип сөйләде Артур Шәйдуллин. </p> <p> Артистлар биеп кенә калмый, җырлый да. Мәсәлән, сәхнәдән шагыйрә Резеда Гобәеваның композитор, М.Җәлил исемендәге премия лауреаты Эльмира Низамова музыкасына салынган лирик шигырьләре яңгырый. </p> <p> Спектакльнең актерлар составы да таң калдыра: сәхнәдә Татарстанның халык артистлары уйный, алар арасында Илдус Габдрахманов, Илтазар Мөхәммәтгалиев, Люция Хәмитова, Искәндәр Хәйруллин, Радик Бариев, Илсөя Төхвәтуллина һәм башкалар бар. </p> <p> Спектакльне тамашачылар яңа ел каникуллары көннәрендә дә күрә алачак – спектакльне аларга Г.Камал ис. театр сәхнәсендә 2 һәм 3 гыйнвар көннәрендә күрсәтәчәкләр. </p>

2018-12-21T09:00:24+0300