2 нче мартта Татарстанда «Хатын-кыз мәсьәләсе» кайнар линиясе эшләячәк

Халык хатын-кыз сәламәтлеге, хезмәт хокукларын яклау, балаларны белем бирү учреждениеләренә урнаштыру һәм башка мәсьәләләргә кагылышлы сораулар бирә ала.

Фото: Марат Мөгыйнов

(Казан шәһәре KZN.RU, 25 нче февраль). 2 нче мартта Татарстанда Халыкара хатын-кызлар көненә багышланган «Хатын-кыз мәсьәләсе» кайнар линиясе эшләячәк. Көн дәвамында республикада яшәүчеләр гаилә-көнкүреш җәберләүләреннән яклауга, көнкүреш мәсьәләләр нигезендә туган низагларга, хатын-кызлар сәламәтлегенә, хезмәт хокукларын үтәүгә, балаларны белем бирү учреждениеләренә урнаштыруга, балалы гаиләләрне социаль яклау һәм социаль тәэмин итүгә кагылышлы сораулар бирә алачак.

Сорауларга Татарстан Республикасында Кеше хокуклары буенча вәкаләтле вәкил аппараты хезмәткәрләре, ТР Дәүләт Советының «Мәрхәмәт» хатын-кыз депутатлар берләшмәсе, ТР Хезмәт министрлыгы, ТР Сәламәтлек саклау министрлыгы, ТР Дәүләт торак инспекциясе, ТР буенча РФ Пенсия фонды бүлеге, ТР буенча РФ Социаль иминият фонды, ТР буенча Медик-социаль экспертиза баш бюросы вәкилләре җавап бирәчәк.

Шалтыратулар түбәндәге телефоннар буенча кабул ителәчәк: +7(843)236-00-71, +7(843)236-60-90. Сорауларны шулай ук WatsApp мессенджеры аша түбәндәге телефон номеры буенча җибәрергә мөмкин: +7(939)345-37-50. Консультацияләр 10:00 сәгатьтән 16:00 сәгатькә кадәр үткәреләчәк, дип хәбәр иттеләр Татарстанда Кеше хокуклары буенча вәкаләтле вәкил Аппаратында.

Шулай ук укыгыз

Барлык яңалыклар