В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
18.01.2021, 14:26
19 гыйнварда Казанда 20 градуска кадәр суык булуы көтелә
Алдагы төндә томан, сишәмбе көнне көндез бераз кар явуы фаразлана.
Фото: Марат Мугинов
(Казан шәһәре KZN.RU, 18-нче гыйнвар). Киләсе тәүлектә Казанда аязучан болытлы һава торышы фаразлана. Төнлә явым-төшемсез, урыны белән томан. 19-нчы гыйнварда көндез бераз кар явачак. Төньяк-көнчыгыштан, төньяктан уртача тизлектә җил. Юлларда бозлавык булуы ихтимал.
19-нчы гыйнварга каршы төндә Казанда 25-27 градус салкын, аязганда – минус 30 градуска кадәр. Сишәмбе көндез 18 градустан 20 градуска кадәр салкын булуы көтелә.
Татарстан буенча төнлә бераз кар явачак, аерым районнарда томан. Төньяктан, төньяк-көнчыгыштан талгын җил исәчәк. Төнлә һәм иртән 23-28 градус салкын, аязганда – 33 градуска кадәр. Сишәмбе көндез һава температурасы минус 16-21 градус тәшкил итәчәк, дип хәбәр ителә ТР Гидрометеорология һәм әйләнә-тирә мохитне күзәтү идарәсе сайтында.
Шулай ук укыгыз
-
29.11.2025, 12:10 -
29.11.2025, 09:30 -
29.11.2025, 09:09 -
28.11.2025, 18:03