19 мартта Казанның Совет районында вакансияләр ярминкәсе узачак

Эш эзләүчеләргә шәһәрнең алты предприятиесе урыннар тәкъдим итәчәк.

(Казан шәһәре KZN.RU, 18-нче февраль). 19 мартта Казанның Совет районының Халыкны эш белән тәэмин итү үзәгендә (Журналистлар ур., 13) вакансияләр ярминкәсе узачак. Эш эзләүчеләргә шәһәрнең алты предприятиесе эш тәкъдим итәчәк: "Нәтиҗәле идарә һәм консалтинг" ҖЧҖ, "Таттелеком" ҖАҖ, "Ашыгыч чакырулар хезмәте-112" ТР ДБУ, "СитиСтафф" ҖЧҖ, И.К.Кабушкин ис. Трамвай депосы, "Союз Святого Иоанна Воина" ҖЧҖ.

Килүчеләргә түбәндәге вакансияләр тәкъдим ителәчәк: автомобиль йөртүче, трамвай йөртүче, кондуктор, кухня эшчесе, менеджер, оператив кизү тору сменалары операторы, элемтә үзәге операторы, телемаркетинг бүлеге операторы, срогы чыккан бурычлар белән эшләү операторы, абонентларны тотып тору төркеме операторы һ.б., дип хәбәр итә ТР Хезмәт, халыкны эш белән тәэмин итү һәм социаль яклау министрлыгы матбугат хезмәте.

Вакансияләр ярминкәсе 9.00 сәгатьтән 12.00 сәгатькә кадәр дәвам итәчәк.

Шулай ук укыгыз

Барлык яңалыклар