19 нчы март көнне Казан – Аэропорт – Казан маршруты буенча йөрүче шәһәр яны поездларының хәрәкәт тәртибе үзгәрәчәк

Бу «Казан Экспо» халыкара күргәзмәләр үзәгендә концерт үткәрелү белән бәйле.

Фото: Казан шәһәре KZN.RU

(Казан шәһәре KZN.RU, 17 нче март). 19 нчы мартта «Казан Экспо» халыкара күргәзмә үзәгендә популяр башкаручының концерты белән бәйле рәвештә Казан – Аэропорт – Казан юнәлешендә өстәмә шәһәр яны поездлары йөриячәк.

Җәдвәлгә түбәндәге маршрутлар кертелә:

Казан – Аэропорт юнәлешендәге 7602 нче номерлы поезд. Ул Казан станциясеннән 17:10 сәгатьтә китәчәк, Аэропорт станциясенә 17:45 сәгатьтә киләчәк;

Аэропорт – Казан юнәлешендәге 7601 нче номерлы поезд. Ул Аэропорт станциясеннән 21:30 сәгатьтә китәчәк, Казан станциясенә 21:50 сәгатьтә киләчәк.

Поездлар арадаш тукталышларсыз хәрәкәт итәчәк, дип хәбәр итә «Содружество» АҖ матбугат хезмәте.

Концерт узачак урынга шулай ук Казан станциясеннән 18:10 сәгатьтә кузгалып китә һәм Аэропорт станциясенә 18:38 сәгатьтә килеп җитә торган 6710 нчы номерлы шәһәр яны поездында да барып җитәргә мөмкин.

Концертка керү билетларын күрсәткән очракта бу шәһәр яны поездларында йөрү бушлай булачак.

Барлык маршрутлар буенча тулырак мәгълүматны +7(937)625-04-33 телефоны буенча (тәүлек буе), транспорт компаниясе сайтында, «РЖД пассажирам» мобиль кушымтасында, кассаларда һәм тукталыш пунктларында урнаштырылган мәгълүмат стендларында алырга мөмкин

Шулай ук укыгыз

Барлык яңалыклар