19 февральдә казанлылар түләүсез юридик ярдәм ала алачак

Халыкны кабул итү 15:00 тән 17:00 гә кадәр алып барылачак — алдан теркәлү кирәк

Иртәгә, 19 февральдә, хокукый ярдәм көне кысаларында бушлай юридик консультацияләр узачак. Шәһәрлеләр профильле белгечләргә гаилә, хезмәт, пенсия яки торак законнары белән бәйле сораулар бирә алачак.

Белгечләр шулай ук мәҗбүри медицина иминияте һәм медицина ярдәме күрсәтү, мирас хокукы һәм милек бәхәсләре кебек темаларга аңлатмалар бирәчәк. Килүчеләр шулай ук гаилә, хезмәт, пенсия, торак законнары белән бәйле сорауларга җаваплар алачаклар.

Казанлылар консультация сорап 15:00 тән 17:00 гә кадәр мөрәҗәгать итә алачак. Килү өчен алдан телефон аша язылырга кирәк: +7(843)279-25-99; +7(843)279-25-12; +7(843)236-41-80.

Халыкны Карл Маркс урамындагы 31/7 йорт (ТР Иҗтимагый ярдәм штабы) адресы буенча көтәләр, дип хәбәр иттеләр Республиканың халыкны эш белән тәэмин итү үзәгендә.

Чара Татарстанда Кеше хокуклары буенча вәкаләтле вәкил һәм «Россия Пенсионерлар берлеге» Гомумроссия иҗтимагый оешмасының ТР буенча төбәк бүлеге ярдәмендә уза.

Шулай ук укыгыз

Барлык яңалыклар