Ял көннәрендә ТР башкаласында 186 юл-транспорт һәлакәте теркәлгән

647 машина йөртүче һәм 150 җәяүле административ җаваплылыкка тартылган

Узган ялларда Казанда 186 юл-транспорт һәлакәте теркәлгән. Өч очракта зыян күрүчеләр бар. Дүрт пассажир һәм ике машина йөртүче төрле дәрәҗәдәге җәрәхәтләр алган.

Россия Эчке эшләр министрлыгының Казан буенча Дәүләт автоинспекциясе мәгълүматлары буенча, бу вакыт эчендә юл йөрү кагыйдәләрен бозган өчен административ җаваплылыкка 647 машина йөртүче һәм 150 җәяүле җәлеп ителгән.

84 кеше куркынычсызлык каешын куллану кагыйдәләренә игътибар итмәгән. 54 машина иясе җәяүлеләргә юл бирмәгән. Исерек хәлдә 18 машина йөртүче тоткарланган.

Шулай ук укыгыз

Барлык яңалыклар