18 мартта Казанда +8 градуска кадәр җылына

Төнлә аерым участокларда бозлавык булырга мөмкин.

(Казан шәһәре KZN.RU, 17-нче март). 18-нче мартта Казанда аязучан болытлы һава торышы көтелә, явым-төшемнәр фаразланмый. Төнге сәгатьләрдә төньяк-көнбатыштан уртача җил көтелә, көндез ул юнәлешен көньяк-көнбатышка алыштырачак. Төнлә 0 градустан -2 градуска кадәр була, көндез - 6-8 градус җылы. Төнлә аерым участокларда бозлавык булырга мөмкин.

Тулаем республика буенча шулай ук аязучан болытлы һава торышы көтелә. Көньяк-көнбатыштан талгын җил исәчәк. Төнге сәгатьләрдә һава температурасы 0 градус белән -5 градус арасында тирбәләчәк, көндез +4-9 градус җылы булачак. Төнлә һәм иртән юлларда урыны белән бозлавык булырга мөмкин, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар