18 нче февральдә Казанда акыллы куллану фестивале узачак

Шәһәрлеләр үзләренә кирәк булмаган әйберләр белән үзара алмаша алачаклар.

Фото: vk.com/culttorg

(Казан шәһәре KZN.RU, 9 нчы февраль). Казандагы сәүдә үзәкләренең берсендә 18 нче февральдә «КультТорг» акыллы куллану фестивале узачак. Чара программасында хәйриячелек һәм эшкәртүгә кием җыю, мастер-класслар һәм волонтерлар ярдәме кирәк булган проектлар белән танышу каралган.

Бер мәйданчыкта – фримаркетта – килүчеләр магнитлар, китаплар, картиналар, кухня кирәк-яраклары, балалар уенчыклары, азык-төлек һәм башка әйберләр белән алмаша алачак, дип хәбәр итә оештыручылар.

Чарада катнашучылар шулай ук башка кешеләрдән һәм секонд-хендлардан түбән бәядән киемнәр сатып ала алачак.

Фестиваль 12:00 дән 19:00 гә кадәр Бауман урамы, 44/8 адресы буенча узачак. Керү ирекле.