17 һәм 18 май көннәрендә Казан паркларында җәмәгать яшелчә бакчалары ачыла

Һәр шәһәрле Горки-Әмәт урманында яки «Салават Күпере» торак комплексы янындагы паркта чәчәкләр, яшелчә яки җиләкләр утырта алачак

Казан паркларында җәмәгать бакчалары яңадан эшли башлый. Бакчачылык өчен участоклар Горки-Әмәт урманында һәм «Салават Күпере» торак комплексы янындагы паркта булачак. Бакчаларны ачу 17 һәм 18 майга планлаштырылган. Бу көннәрдә түтәл алган теләге булган һәркем җир әзерләүгә һәм орлык утыртуга керешә алачак.

Бакча ачылышында катнашучылар түтәлләр әзерләячәкләр һәм орлыклар утыртачаклар. «Салават Күпере» торак комплексында үз түтәлең булсын өчен сылтама буенча гариза тутырырга кирәк. Оештыручылар 20 катнашучыны сайлап алачак һәм алар белән уртак чат булдырачак.

Горки-Әмәт урманында проектта катнашырга гаризалар бирү өчен сылтама буенча теркәлү узарга кирәк. Гаризалар кабул итү 15 май, 12:00 сәгатьтә төгәлләнә. 25 кеше түтәлгә ия булачак, дип хәбәр итә «Парклар һәм скверлар дирекциясе» матбугат хезмәте.

Җәмәгать яшелчә бакчаларын яңадан эшләтеп җибәрү Казанда барлык җәмәгать киңлекләре өчен әзерләнгән бай җәйге программаның бер өлеше булып тора. Җәйге сезонның рәсми ачылышы 17 май көнне Горки-Әмәт урманында булачак, бу көнне бәйрәм программасы планлаштырылган. Җәй дәвамында Татарстан башкаласының паркларында һәм скверларында шулай ук VK Fest музыка фестивале, Россия эстрадасы йолдызлары катнашында «Яңа дулкын» халыкара музыка конкурсы, «Итил» Идел буе халыкларының яңа этник мәдәният фестивале кебек зур вакыйгалар һәм башка чаралар планлаштырылган.

Шулай ук укыгыз

Барлык яңалыклар