Татарстанда ЮХИДИ хезмәткәрләре автомобильләрне тонировкалау кагыйдәләрен бозуның 151 очрагын ачыклаган

Ел башыннан моның өчен административ җаваплылыкка 10 меңгә якын машина йөртүче җәлеп ителгән.

Фото: Казан шәһәре KZN.RU

(Казан шәһәре KZN.RU, 24-нче март). Профилактик рейд барышында ТР буенча Эчке эшләр министрлыгының ЮХИДИ идарәсе хезмәткәрләре автомобильләрне тонировкалау кагыйдәләрен бозуның 151 очрагын ачыклаган. Ел башыннан моның өчен административ җаваплылыкка 10 меңгә якын машина йөртүче җәлеп ителгән.

Нормативларны бозып тонировкаланган пыялалар машина йөртүченең реакция вакытын арттырырга мөмкин, бигрәк тә тәүлекнең караңгы вакытында, ә бу исә, үз чиратында, фаҗигале нәтиҗәләргә китерергә мөмкин. Кагыйдәләр буенча, транспорт чарасының җил һәм алгы ян пыялаларын яктылык белән тәэмин итү 70%-тан да ким булмаска тиеш. Әгәр дә бу норматив үтәлмәсә, транспорт чарасын эксплуатацияләү тыела.

Машина пыялаларының яктырту таләпләрен бозган өчен 500 сум күләмендә административ штраф каралган.

Моннан тыш, машина йөртүче тонировкалауны кагыйдәләргә туры китерергә тиеш. Кабат хокук бозу очрагында йөртүче РФ КоАП 19.3 маддәсе буенча полиция хезмәткәренең законлы таләбенә буйсынмаган өчен административ җаваплылыкка тартыла. Хокук бозучыны 500 сумнан 1 мең сумга кадәр административ штраф яки 15 тәүлеккә кадәр административ кулга алу көтә. Үткәрелгән рейд барышында кабат дүрт машина йөртүче тоткарланган.

Шулай ук укыгыз

Барлык яңалыклар