15 нче февральдә Казанда сугышчы-интернационалистларны искә алачаклар

Җиңү паркында совет гаскәрләрен Әфганстаннан чыгаруга 33 ел тулуга багышланган чара узачак.

Фото: Денис Гордийко

(Казан шәһәре KZN.RU, 11 нче февраль). 15 нче февральдә Казанда, Җиңү паркында сугышчы-интернационалистлар һәйкәле янында, совет гаскәрләрен Әфганстан Республикасыннан чыгаруның 33 еллыгына багышланган чара узачак.

Хәрби кампания вакытында 15 меңгә якын совет хәрбиләре һәлак булды, алган яраларыннан үлде һәм хәбәрсез югалды. Татарстан башкаласыннан 2 меңнән артык солдат һәм офицер хәрби хәрәкәтләрдә катнашты. 275 казанлы «Батырлык өчен» һәм «Сугышчан казанышлар өчен» медальләре, 93 е Кызыл Йолдыз ордены белән бүләкләнде. Шәһәрнең 34 кешесе сугышларда һәлак булган, 108 кеше яраланган.

Чәчәкләр салу 10.00 сәгатьтә башлана, дип хәбәр иттеләр Казан башкарма комитетының Балалар һәм яшьләр эшләре комитетында. Чарада хәрби хәрәкәтләр ветераннары, шәһәр һәм республика иҗтимагый һәм яшьләр оешмалары вәкилләре катнашачак.

Шулай ук укыгыз

Барлык яңалыклар