15 нче декабрьдә казанлылар белән 2024 елда ишегалларын төзекләндерү буенча очрашулар башлана

Шәһәрлеләр проектлар белән таныша, фикерләрен җиткерә һәм кызыксындырган сорауларын бирә алачак

Фото: Денис Гордийко

(Казан шәһәре KZN.RU, 6 нчы декабрь). Казанлылар белән 2024 елга «Безнең ишегалды» республика программасын тормышка ашыру буенча очрашулар уздырылачак. Алар шәһәрнең барлык районнарында 15 нче декабрьдән башлап узачак.

Тема буенча материаллар:

Җәмәгать бакчасы, сыерчык оялары һәм тәгәрмәчләр өчен чикләгечләр: Казанда Яшь Көч урамындагы ишегалды ничек төзекләндерелгән

Администрация хезмәткәрләре программаның төп принциплары, йорт яны территорияләрендә мәҗбүри эш төрләре һәм аларның этаплары турында сөйләячәк. Шәһәрлеләр ишегалды схемалары белән таныша һәм кызыксындырган сорауларын бирә алачак.

Мондый очрашулар шәһәр халкының реаль ихтыяҗларына туры китереп төзекләндерү үткәрергә ярдәм итәчәк. Беренчел мәгълүматлар буенча, 2024 елда программа буенча Татарстанның 32 муниципаль берәмлегендә 833 йортта эшләр башкарылачак, дип хәбәр итә ТР Рәисе матбугат хезмәте.

Исегезгә төшерәбез, быел Казанда «Безнең ишегалды» программасы буенча 460 тан артык күп фатирлы йортның ишегалларын төзекләндерделәр. Яхшыртулар 100 меңгә якын шәһәр кешесенә кагылган. 530 мең кв.м артык асфальт-бетон япма ремонтланган, 4,7 мең кечкенә архитектура формасы, 3,2 мең яктырткычлы 2,1 меңнән артык терәк урнаштырылган.

Шулай ук укыгыз

Барлык яңалыклар