14 февраль көнне Казанның Горки-Әмәт урманында үзеңә карата Мәхәббәт көне узачак

Чара программасында – «Йорт» экоүзәгендә табиб-психиатр, психолог һәм коучтан лекцияләр, урман терапиясе һәм медитация.

Фото: Денис Гордийко

(Казан шәһәре KZN.RU, 11-нче февраль). 14-нче февраль көнне Казанда Горки-Әмәт урманында үзеңә карата Мәхәббәт көне узачак. Чара программасында – «Йорт» экоүзәгендә табиб-психиатр, психолог һәм коучтан лекцияләр, үз эченә чумарга һәм уңай энергия белән тулыланырга ярдәм итә торган төрле практикалар белән танышу.

Мәсәлән, лектория кысаларында, 11.00 сәгатьтә клиник психолог, нарратив практик, гештальт-консультант Оксана Охотникова чыгыш ясаячак. Очрашу темасы: «Психолог белән эшләү: модамы әллә зарурилыкмы?». 13.00 сәгатьтә коуч һәм онлайн-мәктәпләрнең берсенә нигез салучы Анна Фельдманнан «Үзең турында көндәлек кайгырту аша мәхәббәт» дигән лекция планлаштырган. 14.30 сәгатьтә табиб-психиатр, медицина фәннәре кандидаты, психолог Александр Границадан «Хисләр һәм аларның тайпылышлыгы» темасына лекция башланачак.

Гамәли өлеш теория өлеше белән параллель барачак. Барлык теләүчеләрне 7.30 сәгатьтән 9.00 сәгатькә кадәр «Нигезләр нигезе» медитациясе өчен киңлек оештыручы Дмитрий Никитин белән бергә урман терапиясенә көтәләр. 9.30 сәгатьтә сәгатьлек медитация башланачак. 11.00 сәгатьтән 12.30 сәгатькә кадәр казанлылар «Өлкәннәр өчен Offline-лагерь» студиясендә «Каркассон» өстәл уенын уйный алачак, ә «Урманда музыка» студиясендә шул ук вакытта музыкаль импровизация булачак. Гамәли өлеш чәй тантанасы белән тәмамланачак.

Барлык чараларда да катнашу бушлай, сылтама буенча алдан теркәлү кирәк, дип хәбәр ителә Горки-Әмәт урманының Instagram-аккаунтында.

Шулай ук укыгыз

Барлык яңалыклар