13 ноябрьдә Казанда алты градуска кадәр җылылык көтелә

Якындагы тәүлекләрдә Татарстанда һәм аның башкаласында болытлы һава торышы саклана, төнлә яңгыр көтелә.

(Казан шәһәре KZN.RU, 12-нче ноябрь). Якындагы тәүлекләрдә Татарстанда һәм аның башкаласында болытлы һава торышы саклана. Көнбатыштан, төньяк-көнбатыштан талгын җил.

Бүген төнлә яңгыр рәвешендә явым-төшем көтелә, республикада кар явуы ихтимал, төнлә һәм иртән Татарстанның аерым районнарында томан булачак.

13-нче ноябрьдә көндез республикада урыны белән явым-төшем булуы ихтимал, Казанда явым-төшемсез.

Төнлә һаваның минималь температурасы +3-тән минус 2 градуска кадәр, Казан буенча – 1-3 градуска кадәр җылылык булачак. Көндез чәршәмбе көнне Татарстан буенча һава температурасы 1-6 градус, республика башкаласында - 4-6 градус җылы булачак.

Төнлә һәм иртән республика юлларында урыны белән бозлавык булырга мөмкин, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар