13 майда Казанда җәмәгать транспорты 4:30 сәгатьтән эшли башлаячак

<h1></h1> <div> </div> <img src="https://kzn.ru/upload/iblock/ec8/870.jpg"> <div class="detail-picture"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 12-нче май). Иртәгә, 13-нче май көнне, мөселманнар Ураза гаетен билгеләп үтәчәк. Татарстанның һәм аның башкаласының барлык мәчетләрендә иртәдән үк вәгазьләр һәм гает намазлары укылачак. Казан мәчетләре аша узучы җәмәгать транспорты маршруты 4:30 сәгатьтә эшли башлаячак, дип хәбәр иттеләр Транспорт буенча комитетта. </p> <p> Бүген мөселманнар өчен изге Рамазан ае тәмамлана, аның барышында дин тотучылар ураза тота. 13-нче майда Татарстан башкаласында Ураза гаетен уздыруның төп мәйданчыгы <a href="https://kzn.ru/meriya/press-tsentr/novosti/13-maya-v-mechetyakh-tatarstana-budut-prochitany-prazdnichnye-molitvy/" target="_blank">Галиев мәчете булачак</a>. 5:30 сәгатьтә биредә Коръән аятьләре укылачак, аннары 6:00 сәгатьтә республика мөфтие Камил хәзрәт Сәмигуллин бәйрәм вәгазен башлаячак. 6:30 сәгатьтә гает намазы булачак. </p> <p> Чара «ТНВ-Татарстан» һәм «ТНВ-Планета» телеканалларында турыдан-туры эфирда трансляцияләнәчәк. Мәчеттән Интернет-трансляцияне ТР мөселманнары Диния нәзарәте сайтында, «Хузур ТВ» Youtube-каналында һәм «Хузур ТВ» телеканалында карарга мөмкин булачак. </p> <p> Ураза гаетен «ТНВ-Татарстан» телеканалында 13-нче майда 10:00 сәгатьтә «ТНВ-Татарстан» телеканалында кабатлап күрсәтәчәкләр, дип хәбәр итә ТР мөселманнары Диния нәзарәте матбугат хезмәте. </p>

2021-05-12T17:30:03+0300