13 мартта Казанда бозлавык, юеш кар һәм көчле җил көтелә

13 мартта Казанда бозлавык, юеш кар һәм көчле җил көтелә

<p> (Казан шәһәре KZN.RU, 12-нче март). Синоптиклар Татарстан һәм аның башкаласында яшәүчеләрне һава шартларының начараюы турында кисәтә - 12 март кичендә, төнлә һәм көндез 13 мартта республика территориясендә юлларда көчле бозлавык, кич һәм төнлә урыны белән буран һәм көньяк-көнбатыштан исүче көчле җил (тизлеге секундына 15-20 метрга кадәр) көтелә, Казанда - секундына 16 метрга кадәр.<br> </p> <p> Шәһәрдә аязучан болытлы һава торышы, урыны белән бераз кар явачак. Төнлә урыны белән кар, юеш кар көтелә. Төнлә һава температурасы минус 6-8 градус тәшкил итәчәк, аязган вакытта - минус 11 градуска кадәр. Көндез Казанда температура минус 1градустан +1 градуска кадәр үзгәреп торачак. </p> <p> Тулаем республика буенча шулай ук аязучан болытлы һава көтелә, төнлә һәм көндез урыны белән кар, юеш кар көтелә. Төнлә аерым районнарда буран булырга мөмкин, җил көньяк-көнбатыштан уртача, төнлә – көчле, көчәйгәндә 20 метрга кадәр. Төнге сәгатьләрдә һава температурасы минус 3 градустан 8 градуска кадәр, аязганда – минус 12 градуска кадәр, көндез – минус 3 градустан +2 градуска кадәр. Юлларда бозлавык, урыны белән көчле, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p>

2019-03-12T14:16:30+0300