10 ноябрьдә Казанның кайбер үзәк урамнарында транспорт хәрәкәте чикләнә

Бу вакытта шәһәрдә 2019 елда Красноярскида узачак XXIX Бөтендөнья кышкы универсиада уты эстафетасын кабул итәчәкләр.

(Казан шәһәре KZN.RU, 30-нчы октябрь). 10 ноябрьдә Казан үзәгендә транспорт хәрәкәте чикләнә. Тиешле карарга Башкарма комитетта кул куелды. Бу вакытта шәһәр урамнарында 2019 елда Красноярскида узачак XXIX Бөтендөнья кышкы универсиада уты эстафетасы узачак.

10.00 сәгатьтән 13.00 сәгатькә кадәр транспорт өчен түбәндәге урамнар ябыла: Федосеев ур. (36-нчы йорт яныннан Батурин урамына кадәр), Игенчеләр сарае янындагы парковка, Батурин ур. (Кремль яр буеннан Большая Красная урамына кадәр),Батурин урамыннан Шейнкман проспектына кадәрге юл, Шейнкман пр., Кремль ур.(Беренче Мая мәйданыннан Профессор Нужин урамына кадәр), Чернышевский ур. (Профсоюз урамыннан Дзержинский урамына кадәр), Муса Җәлил ур. (Рәхмәтуллин урамыннан Дзержинский урамына кадәр), Кави Нәҗми ур. (Рәхмәтуллин урамыннан Дзержинский урамына кадәр), Астрономия ур.(Профсоюз урамыннан Дзержинский урамына кадәр), Лобачевский ур. (Дзержинский урамыннан Кремль урамына кадәр), Университет ур. (Профсоюз ур. Кремль урамына кадәр), Профессор Нужин ур. (1-нче йорттан Кремль урамына кадәр).

Шулай ук укыгыз

Барлык яңалыклар