1 октябрьдә Татарстанда пенсия белән тәэмин итү мәсьәләләре буенча түләүсез кайнар линия эшләячәк

Республика һәм аның башкаласы халкы Пенсия фонды белгечләренә үз сорауларын бирә алачак.

(Казан шәһәре KZN.RU, 30-нчы сентябрь). Татарстанда һәм аның башкаласында 1-нче октябрьдә пенсия белән тәэмин итү мәсьәләләре буенча түләүсез кайнар линия эшләячәк.

Бу көнне, 10.00 сәгатьтән 16.00 сәгатькә кадәр, Пенсия фондының төбәк бүлеге белгечләре өлкән яшьтәге гражданнарга пенсия билгеләү, индексацияләү, яңадан исәпләү һәм түләү буенча сорауларга җавап бирәчәкләр. Моның өчен бөтен республика буенча бушлай кайнар линия телефоны эшләячәк: 8-800-100-26-27.

Башка көннәрдә республика халкы өчен контакт-үзәк телефоны эшли: (843) 279-27-27. Белгечләр татарстанлыларга дүшәмбедән пәнҗешәмбегә кадәр 9.00 сәгатьтән 18.00 сәгатькә кадәр, җомга көнне 9.00 сәгатьтән 16.45 сәгатькә кадәр, ял һәм бәйрәм көннәреннән тыш, консультацияләр бирәләр. Төшке ашка тәнәфес - 12.00 сәгатьтән 12.45 сәгатькә кадәр, дип хәбәр итә Россия Пенсия фондының ТР буенча бүлеге матбугат хезмәте.

Шулай ук укыгыз

Барлык яңалыклар