1 октябрьдә Казанда ягу сезоны башлана

Бүгенге көндә җылылык 174 мәктәпкә, 312 балалар бакчасына һәм сәламәтлек саклау өлкәсенең 31 объектына бирелде.

(Казан шәһәре KZN.RU, 27-нче сентябрь). 1 октябрьдә Казанда ягу сезоны башлана. Тиешле карар Башкарма комитетта имзаланды.

Районнар администрацияләренә, Башкарма комитетның структур бүлекчәләренә һәм җылылык белән тәэмин итүче оешмаларга ике атна эчендә үзәк җылылык белән тәэмин итү режимын көйләп бетерергә кирәк. Идарә итүче оешмалар, торак милекчеләре иптәшлекләре, торак һәм торак-төзелеш кооперативлары җитәкчеләренә торак йортларга тиешле тәртиптә җылылыкны бирергә йөкләнелде.

Беренче чиратта җылылык сәламәтлек саклау объектларына, балалар бакчаларына һәм мәгариф учреждениеләренә биреләчәк. Бүгенге көндә җылылык 196 мәктәпнең 174-енә (89%), 339 балалар бакчасының 312-сенә (92%) һәм 111 сәламәтлек саклау өлкәсе объектларының 31-енә (28%) бирелде.

Шулай ук укыгыз

Барлык яңалыклар