1 июньдә Казанда янгын сүндерү-коткару техникасының интерактив күргәзмәсе узачак

Барлык теләүчеләр дә янгын сүндерүчеләрнең хәрби һәм җылы үткәрмәүчән киемнәрен һәм янгын сүндерү кирәк-яракларын киеп карый алачаклар.

(Казан шәһәре KZN.RU, 30-нчы май). 1-нче июньдә Казанда янгын сүндерү-коткару техникасы һәм кирәк-яраклары интерактив күргәзмәсе узачак. Килүчеләр коткаручыларның заманча техникасын күрәчәкләр, конкурсларда катнашачаклар һәм үзләрен янгын сүндерүчеләр ролендә сынап караячаклар.

Янгын сүндерү-коткару техникасы күргәзмәсендә авыр класслы иң заманча янгын автоцистерналары, РМ-500-2 кардан, сазлыктан үтү машинасы, «Sherp» вездеход-амфибиясе, «Бэстер» мотокөймәсе, янгын сүндерү-коткару квадроцикллары һәм МПС F800GS мотоцикллары булган мобиль комплекс, «Ford Tranzit» авария-коткару автомобиле тәкъдим ителде. Теләге булган һәркем хәрби һәм җылы үткәрми торган киемнәрне һәм янгын сүндерү кирәк-яракларын киеп карый, авария-коткару коралы эшен күрә ала.

Монда ук кинология хисабы үтәчәк - этләр белән кинологлар үзләренең әзерлекләрен һәм күнекмәләрен тәкъдир итәчәк, ә кардан һәм сазлыктан үтү чанасы хәрәкәт иткәндә маневралылык күрсәтәчәк.

Яшь казанлылар асфальтта рәсем ясау конкурсында катнаша һәм суда коткару чараларын кулланып эстафетада катнаша алачаклар.

Чара дәвамында «МКИОН» хәбәр итү һәм җиткерү мобиль комплексы экранында балаларның үз-үзен куркынычсыз тотышы турында роликлар трансляцияләнәчәк. Ә барлык теләүчеләр «Гадәттән тыш хәлләр министрлыгы адресына теләкләр» тартмасына изге теләкләрен калдыра алачаклар, дип хәбәр итә Россия Гадәттән тыш хәлләр министрлыгының ТР буенча Баш идарәсе матбугат хезмәте.

Күргәзмә «Корстон» кунакханә сәүдә-күңел ачу комплексы мәйданчыгында 11.00 сәгатьтән 16.00 сәгатькә кадәр узачак.

Шулай ук укыгыз

Барлык яңалыклар