Казан халкын халык куллану товарлары тәкъдим ителә торган «Муллык» ярминкәсенә чакыралар

Казан халкын халык куллану товарлары тәкъдим ителә торган «Муллык» ярминкәсенә чакыралар

<div class="detail-picture"> <img src="https://kzn.ru/upload/iblock/ca0/ca0aca34a20030d2c43fa2814715e9a8.jpg"> <p class="detail-picture__caption"> Денис Гордийко фотосы </p> <p> </p> <p> Казанның Спорт сараенда 26–30 ноябрь көннәрендә халык куллану товарлары ярминкәсе – «Муллык/Изобилие» дип аталган Татарстан халык фестивале узачак. Сәүдә фестивале мәйданчыгында азык-төлек, кием-салым һәм аяк киемнәрен, текстиль товарларны, ювелир, халык сәнгать кәсепләре эшләнмәләрен, бизәнгечләр тәкъдим итә торган нокталар эшләячәк. </p> <p> 25 ноябрьдән 29 ноябрьгә кадәр шәһәр халкын һәм башкала кунакларын фестиваль мәйданчыгында 10:00–19:00 вакыт аралыгында көтәләр. 30 ноябрь көнне ярминкә сәгать 10:00 дән 15:00 гә кадәр эшләячәк. </p> <p> Фестивальдә Татарстанның кече һәм урта бизнес вәкилләре катнаша ала. Моның өчен стендны чараның рәсми сайтында әлеге <a target="_blank" href="https://izobilie-kazan.ru/">сылтама</a> буенча броньларга була. </p> <p> Сәүдә фестивале Мәскәү урамы, 1 йорт адресы буенча урнашкан Спорт сарае фойесында оештырыла. </p> <p> Әлеге фестиваль, үз чиратында, кече һәм урта эшмәкәрлеккә ярдәм итү, шулай ук халыкның сыйфатлы товарлардан файдалана алу мөмкинлеген арттыру максатыннан уздырыла. </p> <p> Проект Татарстан Республикасы рәисе администрациясе, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Сәнәгать һәм сәүдә министрлыгы, Татарстан Республикасы Икътисад министрлыгы, «Татарстан Республикасы Муниципаль берәмлекләре советы» ассоциациясе, «Татарстан Республикасы Сәүдә-сәнәгать палатасы» берлеге һәм «Татарстан халыклары ассамблеясе» ярдәмендә гамәлгә ашырыла. </p> </div> <br>

2025-11-15T09:11:01+0300