Татарстанда 1 майга кадәр күзәтчелек тикшерүләрен уздыруга тыю кертелде

Гражданнарның гомеренә һәм сәламәтлегенә зыян китерү нигез булган планнан тыш тикшерүләр генә искәрмә булып тора.

(Казан шәһәре KZN.RU, 31-нче март). Татарстанда 1-нче майга кадәр күзәтчелек тикшерүләре уздыруга мораторий кертелде. Тиешле күрсәтмәне республика Президенты бирде. Тыю 28-нче марттан гамәлдә.

Гражданнарның гомеренә һәм сәламәтлегенә зыян китерү, табигый һәм техноген характердагы гадәттән тыш хәлләр барлыкка килү һәм рөхсәт документларын бирү өчен тикшерүләр нигез булып торган планнан тыш тикшерүләр искәрмә булып тора.

Әгәр тикшерүгә мораторий гамәлдә булган вакытта эшмәкәрләр тикшерүче визиты белән очрашса яки күзәтчелек органнары белән бәйле башка ситуацияләргәҗ эләксә, алар +7(800)222-37-22 кайнар линия телефоны аша яки «Тикшерелгән бизнес» порталында урнаштырылган махсус форма аша хокук бозу факты турында хәбәр итә ала, дип хәбәр итә ТР Икътисад министрлыгы матбугат хезмәте.

Шулай ук укыгыз

Барлык яңалыклар