Татарстанның үзмәшгульләренә яңа ел ярминкәсендә 100 бушлай сәүдә урыны биреләчәк

Сәүдә 18 декабрьдә Бәшир Рәмиев исемендәге ИТ-паркында узачак

Бер көнгә Бәшир Рамеев исемендәге ИТ-паркында Татарстанның үзмәшгульләренә Яңа ел ярминкәсендә 100 бушлай сәүдә урыны биреләчәк. Ярдәмне «Кече һәм урта эшмәкәрлек» милли проекты буенча күрсәтәчәкләр.

Мәйданчыкларда бөтен республикадан татарстанлылар ярминкә кунакларына бәйрәм бүләкләре: шоколад, бизәнү әйберләре, уенчыклар, милли колоритлы киемнәр, көндәлекләр, котлау хатлары һәм башкалар тәкъдим итәчәк.

Быел республикада барлыгы 14 ярминкә уздырылды, анда бишйөз кеше катнашты, дип хәбәр иттеләр ТР Икътисад министрлыгы матбугат хезмәтендә.

Катнашуга гаризалар МСП.РФ. цифрлы платформасында кабул ителә. Сәүдә 18 декабрьдә Спартаковская урамындагы 2б номерлы адресы буенча үткәрелә. Кызыксындырган сорауларны «Минем бизнес» үзәгенең кайнар линиясе телефоны буенча бирергә мөмкин: +7(843)524-90-90.

Шулай ук һөнәри керемгә салым түләүчеләр өчен республика эшкуарлыкны үстерү институтлары чаралар комплексын гамәлгә ашыра. Бу финанс ярдәме чаралары (микрозаймнар, җаваплылык алу) һәм маркетплейсларда, социаль челтәрләрдә продукцияне алга җибәрү, проектларны үстерү һәм зурайту буенча өйрәтү программалары һәм башкалар.

Исегезгә төшерәбез, ел башыннан Татарстан башкаласында үзмәшгульләр саны 32% ка арткан. Бүгенге көндә аларның саны 130,5 меңнән артык.

Шулай ук укыгыз

Барлык яңалыклар