Салым хезмәте сайтында шәхси эшмәкәрләрне һәм юридик затларны теркәү өчен документлар комплектын әзерләргә мөмкин

Сервис – теркәлә торган органга уңайлы ысул белән документлар комплектын тапшыру мөмкинлеге бирә.

(Казан шәһәре KZN.RU, 15-нче март). Россиянең Федераль салым хезмәте юридик затларны һәм шәхси эшмәкәрләрне ведомствоның рәсми сайтында теркәү өчен документлар комплектын әзерләү мөмкинлеге булуы турында искә төшерә. Сервис – теркәлә торган органга уңайлы ысул белән документлар комплектын тапшыру мөмкинлеге бирә.

Шулай рәвешле шәхси эшмәкәрләрне теркәү өчен сервис тиешле гаризаны (Р21001 формасы) тутырырга тәкъдим итә. Салым хезмәтендә шуңа игътибар итәләр: 2019 елның 1-нче гыйнварыннан электрон документлар формасында дәүләт теркәве өчен документлар җибәргәндә (шул исәптән күпфункцияле үзәкләр һәм нотариус аша да) дәүләт пошлинасын түләү таләп ителми.

Юридик затларны теркәүгә килгәндә, гамәлгә куючыга сервиста кайбер мәгълүматларны кертергә, тапшырылган мәгълүматларны тикшерү процедурасын узарга, дәүләт пошлинасын түләргә һәм гариза җибәрергә кирәк. Документлар теләсә кайсы уңайлы ысул белән салым инспекциясенә тапшырылырга мөмкин: электрон рәвештә, шәхсән яки нотариаль расланган ышаныч кәгазе буенча вәкил аша, игълан ителгән кыйммәтлек һәм кертемнәр исемлеге язылган почта аркылы.

Шулай ук укыгыз

Барлык яңалыклар