Үзмәшгульләргә салым төрләре турында сөйләячәкләр

Семинарда катнашу бушлай

Фото: Денис Гордийко

Иртәгә үзмәшгульләр өчен «Минем бизнес» үзәгендә салымнарга һәм салым төрләренә багышланган семинар узачак. Спикер сыйфатында салым консультантлары палатасы һәм Россия профессиональ бухгалтерлар һәм аудиторлар институты әгъзасы Лидия Соловьева чыгыш ясаячак.

Очрашуда үзмәшгульләргә еллык салымнарны исәпләгәндә нәрсәгә игътибар итәргә һәм тикшерүләргә ничек әзерләнергә кирәклеге, салым базасын оптимальләштерү турында сөйләячәкләр. Моннан тыш, катнашучылар төрле эшмәкәрлек формалары өчен салым салуның уңай һәм тискәре яклары турында фикер алышачак.

Катнашу бушлай. Семинарга кушылу өчен РФ МСП цифрлы платформасында теркәлү зарур. «Бизнеска ярдәм чаралары» бүлегендә «Минем бизнес» үзәге үткәрә торган уку-укыту чараларына язылу» хезмәтен сайларга кирәк.

Семинар Петербург урамы, 28 адресы буенча уза. Башлану вакыты – 10:00 сәгатьтә. Татарстанда эшмәкәрләр һәм үзмәшгульләр өчен барлык белем бирү программалары турында тулырак мәгълүматны кайнар линия телефоны аша алырга мөмкин: +7(843)524-90-90.

Үзмәшгульләргә ярдәм итү – «Кече һәм урта эшмәкәрлек» илкүләм проектының төп юнәлешләреннән берсе, дип искәрттеләр ТР Икътисад министрлыгында.

Элегрәк Татарстан үзмәшгульләренә Казан сәүдә үзәкләренең берсендә узачак ярминкәдә бушлай сәүдә урыннары биреләчәге турында хәбәр ителгән иде. Сәүдә 26-28 нче апрельгә планлаштырылган.

Шулай ук укыгыз

Барлык яңалыклар