Казан эшмәкәрләренә контент булдыру трендлары турында сөйләячәкләр

Бушлай мастер-класс «Кече һәм урта эшмәкәрлек» милли проекты буенча узачак

14 августта Казан эшмәкәрләре өчен контент булдыру трендларына багышланган бушлай мастер-класс үткәреләчәк.

Очрашуның беренче өлешен Telegramда бизнес өчен яңа инструментларга багышлаячаклар. Тыңлаучылар социаль челтәрдә клиентлар белән үзара хезмәттәшлекне ничек автоматлаштырырга һәм анда ничек якын аралашу төзергә икәнен беләчәк. Катнашучылар белән табышны арттыру инструментлары белән дә уртаклашачаклар.

Эшли торган контентның төрләре һәм форматлары турында икенче блокта сөйләячәкләр. Мәйданчыкта социаль челтәрләрдә контентны алга җибәрү, аудиторияне нәтиҗәле «җылыту» һәм товар сатып алу яки хезмәткә заказ бирү өчен узарга кирәк булган этаплар эзлеклелеген көйләү кебек темалар кузгатылачак.

Мастер-класста катнашу өчен теркәлү кирәк. Очрашу «Кече һәм урта эшмәкәрлек» милли проекты кысаларында узачак. Башлана – 10:00 сәгатьтә, дип хәбәр итә Татарстан Икътисад министрлыгының матбугат хезмәте.

Элегрәк хәбәр ителгәнчә, Казаннан сигез предприятие «Хезмәт җитештерүчәнлеге» милли проекты чараларында катнашкан. Ул эшмәкәрләргә түләүсез нигездә җитештерү процессын мөмкин кадәр югалтуларны булдырмаслык итеп төзергә һәм эшләп чыгаруны арттырырга мөмкинлек бирә.

Шулай ук укыгыз

Барлык яңалыклар