Илсур Метшин ТР башкаласында үзмәшгульләр эше өчен коворкинг-цех булдыруны йөкләде

Беренчесе Казан сәүдә-икътисад техникумы мәйданчыгында барлыкка килергә мөмкин.

Фото: Денис Гордийко

(Казан шәһәре KZN.RU, 19-нчы ноябрь, Ксения Швецова). Үзмәшгульләр өчен беренче коворкинг-цех Казан сәүдә-икътисадый техникумы мәйданчыгында барлыкка килергә мөмкин. Эшмәкәрләр белән очрашуда Казан Мэры Илсур Метшин «үзмәшгульләргә ярдәм үзәге» коммерцияле булмаган автоном оешмасы җитәкчесе Лиана Пахаревага коворкинг-цехлар булдыру буенча эш оештырырга, шулай ук яңа җиһазларда эшләү буенча үзмәшгульләр белән укыту семинарлары үткәрергә кушты.

«Үзмәшгульлекне үстерүнең киләсе этабы – мәйданчыкларга һәм киңлекләргә чыгу, алар анда үзләренең кечкенә цехларын ача, әзер җиһазларда эшне башкара алыр иде, – Карап булмыймы, үз-үзләренә эшләүчеләр эшли ала торган мәйданчыклар юкмы?» – дип мөрәҗәгать итте Мэрга Лиана Пахарева.

Аңа җавап биреп, Мэр искә төшергәнчә, WorldSkills стандартлары буенча узган чемпионатлар нәтиҗәсендә Казанда үзешчән компетенцияләр үзәкләренең яхшы базасы булдырылган, аларны үзмәшгульләр мәнфәгатьләрендә дә кулланырга мөмкин. Ул бу мәйданчыкларны үзмәшгульләргә бирү эшен оештырырга кушты.

«Мондый базаны, мәсәлән, Казан сәүдә-икътисадый техникумы мәйданчыгында оештырып була. Ул иң заманча җиһазлар белән җиһазландырылган, – дип билгеләп үтте И.Метшин. – Универсиада тәмамлангач, без бассейнны, гимнастика үзәген һәм волейбол үзәген балалар һәм һөнәри спортны үстерү өчен куллана башладык. Шулай ук безнең компетенция үзәкләре дә барлык теләүчеләр өчен эшли ала. Ышанам, сезнең өчен бу чыгарыла торган продукциянең бөтенләй башка сыйфаты булачак».