КХЛ уенчылары үзенчәлекле балалар белән очрашты

Спорт йолдызлары Иске Татар бистәсендә хәйрия акциясе уздырды. Хоккейчылар Эмиль Гарипов һәм Альберт Яруллин «Зәкят» фонды карамагындагыларга - ярдәмгә мохтаҗ гаиләләрдәге балалар өчен чара оештырды.

Бәйрәм чарасы Изге Коръән сүрәләрен укудан башланды, аны чакырылган үсмерләрнең берсе Тимур Фазлыев укыды. Соңыннан яшүсмерләргә Казандагы барбершопларның берсендә бушлай чәч алу хезмәте күрсәтелде.

Континенталь хоккей лигасы уенчылары «Зәкят» хәйрия фонды карамагындагы яшүсмерләргә истәлекле бүләкләр тапшырды.