Казан Мэриясе бүлекчәләре җитәкчеләре өчен коррупциягә каршы семинар уздырылды

Казан Мэриясендә коррупциягә каршы темага белем бирү семинары узды. Чарада шәһәр районнары администрацияләре башлыклары һәм Башкарма комитетның структур бүлекчәләре җитәкчеләре катнашты. Коррупциягә каршы көрәш мәсьәләләре буенча мэр Киңәшчесе Кыям Беляев тыңлаучыларга коррупциягә каршы законнарга сизелерлек үзгәрешләр кертелгән 28.12.2025 №505-ФЗ Федераль законның яңалыклары турында сөйләде (01.01.2026 елдан үз көченә керде). Спикер билгеләп үткәнчә, 2026 елдан дәүләт һәм муниципаль хезмәткәрләр гомуми кагыйдә буенча ел саен керемнәр, чыгымнар, милек һәм милек характерындагы йөкләмәләр турында белешмәләр бирү бурычыннан азат ителгән. Ләкин, әгәр хисап чорында мөлкәт сатып алу буенча алыш-биреш башкарылган булса һәм сатып алынган мөлкәтнең хакы алыш-биреш башкарылганчы өч календарь ел эчендә хезмәткәрнең һәм аның хатынының (иренең) җыелма кеременнән артып китсә (ягъни гаиләнең өч еллык кеременнән артыграк эре сатып алулар башкарылган булса), белешмәләр тапшыру бурычы сакланып кала. Семинар ахырында Кыям Беляев җитәкчеләрне коррупциягә каршы законнарның барлык таләпләрен үтәү бурычына тулы җаваплылык белән карарга өндәде һәм һәркем шәхси шәхси җаваплылык тотуын искәртте.