Казанда тимер юлчылар көне: кинокүрсәтүләр, барабанчылар тамашасы һәм балалар тимер юлында йөрү

Казанда тимер юлчылар көне: кинокүрсәтүләр, барабанчылар тамашасы һәм балалар тимер юлында йөрү

<p> Казанда Тимер юлчылар көненә бүгенге көннән 3 августка кадәр бәйрәм чаралары узачак. Шәһәр халкын бушлай кинокүрсәтүләр, барабанчылар шоуы һәм балалар тимер юлында йөрү көтә. </p> <p> Бәйрәмнең төп урыны Юдино станциясе булачак, программа тимер юлчыларны хөрмәтләүдән 10:00 сәгатьтә старт алачак. Мәйданчыкта фотозона һәм фудкорд ачылачак, ә балалар өчен интерактив-күңел ачу программасы әзерләнәчәк. Бәйрәм кунаклары шулай ук барабанчылар тамашасын карый алачак. </p> <p> Казан-1 тимер юл вокзалында 11:00 сәгатьтә «ФПК» АҖ һәм студентлар отрядлары флешмобы узачак. Алга таба шәһәр халкы «Илне берләштерүче поезд – асфальтта ясалган иң озын поезд» акциясенә кушыла алачак.           </p> <p> Шул ук көнне Казанның балалар тимер юлында күңел ачу анимацион программасын үткәрәчәкләр. Шәһәрнең яшь халкы Яшьләр – Изумрудная маршруты буенча бара алачак. Юл бушлай булачак, дип хәбәр иттеләр Горький тимер юлының Казан төбәге матбугат хезмәтендә – «РЖД» ААҖ филиалында. </p> <p> «Җиңү юллары» нәфис фильмын күрсәтү шәһәрнең сәүдә үзәкләре кинотеатрларында (Ямашев проспекты, 46 һәм Петербург урамы, 9) узачак. Казанлыларны бүген – 18:30, ә 2 һәм 3 августта – 14:00 сәгатьтә чакыралар. Фильм Бөек Ватан сугышы вакытында тимер юлчыларның батырлыгы турында сөйли. </p> <p> Ел саен Россиядә тимер юлчылар көнен августның беренче якшәмбесендә билгеләп үтәләр. Тимер юл транспорты хезмәткәрләрен хөрмәтләү традициясе император Николай II вакытында 1896 елда ук барлыкка килгән. </p>

2025-08-01T13:48:35+0300