«Ә син сәяхәтләргә әзерме?»: Казан аэропорты җәйге расписаниегә күчә

«Ә син сәяхәтләргә әзерме?»: Казан аэропорты җәйге расписаниегә күчә

<div class="detail-picture"> <img src="https://kzn.ru/upload/iblock/93e/93e393fcfa44f06f9d34a3d1076af225.jpg"> <p class="detail-picture__caption"> Денис Гордийко фотосы </p> </div> Габдулла Тукай исемендәге «Казан» халыкара аэропорты җәйге расписаниегә күчте. Мондый эш режимы 25 октябрьгә кадәр дәвам итә. Халыкара һәм эчке маршрутлар яңа рейслар белән тулылана. <p> Җәй айларында башкаладан Көньяк-Көнчыгыш Азиянең популяр курортларына: Камрань һәм Саньяга (Хайнань утравы), шулай ук Пхукетка очышлар билгеләнгән. Шәһәр халкы Казан – Шанхай маршруты буенча да сәяхәт итә ала. </p> <p> Урта диңгез юнәлешләре арасында авиаэлемтә киңәйтелә. Анталья һәм Истанбулга рейслар саны арта. Моннан тыш, Мисыр курортларына – Хургада һәм Шарм-әл-Шәехкә рейслар саклана. </p> <p> Европа буенча Белград һәм Минскка даими рейслар башкарылачак. Яңа юнәлеш буларак Ереван өстәлә. </p> <p> Үзәк Азия илләренә очышлар географиясе сизелерлек киңәя. Бишкек, Бохтар, Дүшәнбе һәм Хуҗанд шәһәрләренә билгеләнгән гадәти рейслардан тыш, Ташкентка яңа маршрут билгеләнә. </p> <p> Язгы-җәйге расписаниегә бөтен ил буенча 40 тан артык юнәлеш кертелгән. Казаннан Россиянең зур шәһәрләренә һәм төп төбәкләренә: мәсәлән, илнең Үзәк өлешенә, Төньяк-Көнбатышка, Көньякка, Төньяк Кавказга, Идел буе төбәкләренә һәм Уралга, Көнбатыш һәм Көнчыгыш Себергә, шулай ук Таулы Алтайга һәм Байкал аръягына очарга була. </p> <p> Очышлар расписаниесе белән мобиль кушымтада һәм Габдулла Тукай исемендәге «Казан» халыкара аэропортының рәсми <a target="_blank" href="https://kazan.aero/seasonal-schedule/">сайтында</a> танышырга мөмкин. </p>

2026-04-01T11:57:51+0300