Казан йортларында су яшел төскә керергә мөмкин

Казан йортларында су яшел төскә керергә мөмкин

<p> 31 октябрь көнне башкалада җылылык чыганаклары таралу урыннарын ачыклау эшләре үткәрелгәнлектән, Казан ТЭЦ-2 магистраль җылылык үткәргеч челтәренә яшел төстәге «Уранин-А» агызачаклар. Һәм шунлыктан Казан йортларында суның яшел төскә керү ихтималы бар. </p> <p> Казанның җылылык челтәрләре белгечләре җылылык системасында өзеклек урынын ачыклаячак, дип хәбәр итә Торак-коммуналь хуҗалыгы комитеты. </p> <p> Шәһәр халкыннан, яшел су агуын күргән очракта, +7(843)291-87-95 телефон номеры аша диспетчерлык хезмәтенә хәбәр итүләрен сорыйлар. </p> <p> «Уранин-А» җылылык белән тәэмин итү системаларында куллануга рөхсәт ителгән һәм Кулланучылар хокукларын яклау, кеше иминлеге өлкәләрендә күзәтчелек федераль хезмәте тарафыннан кешеләр сәламәтлеге һәм әйләнә-тирә мохит өчен зыянсыз булган индикатор санала. </p> <p>   </p>

2025-10-28T14:37:01+0300