В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Ярышлар Смоленскта узган
Физик тәрбия һәм спорт комитеты фотосы
Казан рапирачысы һәм олимпия чемпионы Марта Мартьянова фехтование буенча Россия Кубогында шәхси беренчелектә өченче тапкыр җиңү яулады. Ярышлар Смоленскта узган.
Финал бәйгесендә Мартьянова Токиода узган Олимпия уеннарындагы көндәше Аделина Заһидуллинаны җиңгән.
Аделина Заһидуллинага (Башкортстан катнашучысы) икенче урын бирелгән. Өченче урынны шулай ук Башкортстаннан Анастасия Иванова һәм Курск өлкәсеннән Виталина Анащенкова бүлешкән.
Алдарак Татарстан башкаласында «Спорт белән данлы Казан» премиясе җиңүчеләрен бүләкләү тантанасы уздырылуы турында хәбәр ителгән иде. Чарада шәһәрнең 100 дән артык иң яхшы спортчыларын, тренерларын, спорт мәктәпләре һәм оешмалары вәкилләрен бүләкләделәр. Фехтование буенча СССРның Олимпия чемпионы Наилә Гыйләҗева һәм спорт ветераны Александр Плюшкин чараның шәрәфле кунаклары булдылар. Бүләкләү тантанасы «Московский» мәдәният үзәгендә үтте.