Чаңгыда шуу һәм «кофе-ран» форматында йөгерү: казанлыларны «Йорт янындагы спорт» проекты кысаларында оештырыла торган күнекмәләргә чакыралар

Чаңгыда шуу һәм «кофе-ран» форматында йөгерү: казанлыларны «Йорт янындагы спорт» проекты кысаларында оештырыла торган күнекмәләргә чакыралар

<div class="detail-picture"> <img src="https://kzn.ru/upload/iblock/627/627ba2ae542e008c9f751aeb907fd653.jpg"> <p class="detail-picture__caption"> Денис Гордийко фотосы<br> </p> </div> Казанда «Йорт янындагы спорт» проекты кысаларында оештырыла торган бушлай күнекмәләр дәвам итә. Бу атнада шәһәр халкын чаңгыда һәм тимераякта шуарга, Скандинавия йөрешенә, йөгерергә һәм функциональ күнекмәләргә чакыралар. Күнекмәләр ишегалларында, паркларда һәм шәһәрнең спорт мәйданчыкларында уздырыла. <p> Бүген 18:30 сәгатьтә Горки-Әмәт урманында чаңгыда шуып булачак. </p> <p> Чәршәмбе көнне, 4 мартта, берничә чара көтелә. Бу көнне башкала халкы Горький исемендәге паркта – 9:00 сәгатьтә, «Калейдоскоп» паркында 10:00 сәгатьтә Скандинавия йөрешенә кушыла ала. 18:00 сәгатьтә «Калейдоскоп» паркындагы шугалакта тимераякта шуу күнекмәсе оештырылачак, 20:00 сәгатьтә «Салават күпере» торак комплексында яшәүчеләр өчен көч кулланып ясала торган күнекмәләр тәкъдим ителә. </p> <p> Пәнҗешәмбе көнне, 5 мартта, 8:00 сәгатьтә «Үзәк» стадион манежында функциональ күнекмәләр үткәрелә. </p> <p> Җомга көнне, 6 мартта, күнекмәләр ике мәйданчыкта уздырыла: шәһәр халкы Кабан күле яр буенда 10:00 сәгатьтә Скандинавия йөрешендә катнаша, яки 10:30 сәгатьтә «Ракета» стадионында тимераякта шуа ала. </p> <p> Атна иртәнге йөгерү белән тәмамлана: 7 март көнне 8:45 сәгатьтә Горький исемендәге паркта «кофе-ран» форматында йөгерү чарасы үткәрелә. </p> <p> Физик тәрбия һәм спорт комитеты хәбәр иткәнчә, расписаниедә үзгәрешләр булырга мөмкин. <a target="_blank" href="https://t.me/sport_y_doma_kzn">«Йорт янындагы спорт»</a> телеграм-каналында үткәреләсе чаралар хакында тулырак мәгълүмат алырга һәм үзең теләгән күнегүләргә язылырга була. </p>

2026-03-03T11:13:34+0300