Икенчел чималны кабул итүнең яңа пункты Ватан урамында март аенда ачылачак

Өченче мәйданчыкны урнаштыру өчен Яңа Савин районын күзалыйлар

Мартта «ПЖКХ» ИКнең төбәк операторы «Җыю ноктасы» икенчел чимал кабул итү өчен яңа пункт ачарга планлаштыра. Икенче мәйданчыкны Ватан урамы, 45 адресы буенча урнаштырачаклар. Алга таба өченче пунктны ачу өчен Яңа Савин районындагы кишәрлекне карыйлар. Бу хакта торак-коммуналь хуҗалык комитеты рәисе Василий Лысачкинның еллык хисабында билгеле булды. Докладны шәһәр мэры Илсур Метшин тыңлады.

Хәзер 40 төр чимал Васильченко урамы, 6 адресы буенча кабул ителә. Шулай ук калдыкларны эшкәртүгә ишегалларында сары челтәрләргә тапшырырга мөмкин – барлыгы алар 1900 данә урнаштырылган. 2024 елда сары челтәрләрдән 3935 тонна икенчел чимал чыгарганнар, бу 2023 елга караганда 1290 тоннага күбрәк. Анда пыяла, пластик, кәгазь, металл һәм тетрапак калдырырга мөмкин.

Барлыгы Татарстан Республикасы башкаласында ККК туплауның 2900 урыны бар. 2024 елда шуларның 26 сын Илсур Метшин кушуы буенча торак массивларда урнаштырганнар, тагын 89 ын – идарәче оешмалар көче һәм «Безнең ишегалды» республика программасы буенча. Соңгы өч елда бистәләрдә 125 контейнер мәйданчыгы барлыкка килде, быел өстәмә 53 мәйданчык төзү планлаштырыла.

Хисап киңәшмәсендә шулай ук башкарма комитет җитәкчесе Рөстәм Гафаров, аның торак-коммуналь хуҗалык һәм гражданнар яклавы мәсьәләләре буенча урынбасары Искәндәр Гыйниятуллин һәм башкалар катнашты.

Шулай ук укыгыз

Барлык яңалыклар